LinkBack URL
About LinkBacks
حملة جديدة للجمال....
طبعا كلنا نشوف الخلطات وياااكثر هالخلطات اللي تبيض واللي تنعم واللي تكثف الشعر واللي واللي ..... وودج تسوينهم كلهم مره وحده وتشوفين النتيجه اليوم قبل باجر
واغلبنا مالهم خلق والا يسوون الخلطه يوم يومين بالكثير اسبوع ويوقفون !! ليش متعبه روحج من الاول
لاااازم الاستمرار الاستمرار خل نستمر اذا ما استفدنا مراح نخسر مايصير نقول نبي ونبي ونبي وما نتحرك ولا نسوي شي
فشرايكم هني كلنا نوقف مع بعض ونساعد ونشجع و نفيد بعض عشان يكون جمالنا طبيعي ويا حلات الطبيعي
وبدوووووووووووون ملل
انا عن نفسي راح اقول شنو اللي راح اسويه ومراح اسويه بالتفصيل الممل والصور وطبعا اغلب اللي راح اسويه
من تجارب وخبرات ومواضيع عضوات هالنتدى الحلووو اللي اهما شجعووني
وراح نستعين ببعض المواضيع اللي شدتني واتمنى منكم المساعده وتكتبون من خبراتكم هني بعد
طبعا انا راح استمر باذن الله على الجدول اللي راح أحطه شهر كاامل واللي تبي تشاركني حياها الله ويعطيها الف عافيه
طبعا العنايه راح تكون بكل شي بالشعر والبشره والجسم والويه وكللل شي وقصدي من هالحمله تكون نتايجها مضمونه باذن الله وجماال طبيعي 100%
اول شي انا راح اطوف هالاسبوع عشان ازهب العده واشتري كل اللي محتاجتهم وراح أبلش من الاسبوع الياي اذا الله احيانا وكل يوم راح اكتب شنو سويت والنتيجه وطبعا مراح تبين من أول شي يبيلها فتره
أولا : الشعر
راح نحتاج صبار من المشاتل (ناخذ الجل اللي داخله)
وهذا اجدد المواضيع
http://www.q8yat.net/showthread.php?t=107344
نشكر عضوتنا بنت العاشره
ثاني شي راح نحتاج بودرة المسك من الحواي
في عضوه الله يذكرها بالخير والله مو ذاكره اسمها قالت عن خلطه توحد لون الجسم وفيها بودرة المسك
وكل اللي ردو قالو ان بودرة المسك تطلع شعر وتكثره عن حديث للرسول صلى الله عليه وسلم
فياليت اللي تعرف هل نقدر نحط بودرة المسك بالشعر والا لا ؟؟ تفيدنا
وانا راح أسألأ زياده بعد فيها واقولكم واذا مافيها ضرر
قررت اني اجرب هالشيين ولمدة شهر احط مره جذي ومره جذي
وطبعا هذول لكثافة الشعر
ثانيا : الركب والاكواع
وعن تجربتي الشخصيه ( الليمون) كل يوم كل يوم كل يوووم قبل النوم فركي ركبج والاكواع والمكان الاسود بالليمون
وخله ونامي واليوم الثاني غسليه وكل يوم جذي صدقيني راح تلاحظين السواد فتح
وبما ان زيت جنين القمح واللوز يفتح بعد فدامج قاعده بالبيت بين فتره وفتره مو قاعده تسوين شي خلطيهم وحطيهم على السواد فقط فقط وخليهم لمن تتشربه بشرتج وشوفي النتيجه
ولازم لما تتسبحين تفركينهم عدل بس موحييييل يعني يصيرون حمر ! لا فركيهم شوي شوي بس عدل P:
وتوني شريت سنفره من benifit هاذي صورتها
وايد تنعم سعرها ب 9 تقريبا من وجوه اللي بالافينيوز كل يوم افرك فيها ركبي واكواعي ولما اتسبح جسمي كله
زينه بس بصراحه مو واااو بس تنعم
ثالثا : البشره بشكل عام
نبتدي اول شي بالفيتامينات والشكر للعضوع قمة النعومة والانوثه وهاذا موضوعها
http://www.q8yat.net/showthread.php?t=153031
وان شاء الله خلال هالاسبوع راح اشتريمن الصيدليه
اللوشن
والغسوول
وطبعا وشي اكيييييييد محد ينكر فضل عضوتنا حبيبتنا مزيونه وشقره وخلطتها الصابونيه
http://www.q8yat.net/showthread.php?t=63228
وجاري شراء الاغراض طبعا
رابعا : طريقة تنظيف البشره
وايضا شكر مرة ثانيه للعضوة مزيونه وشقره وهذا موضوعها وطريقة تنظيف البشره بالتفصيل
http://www.q8yat.net/showthread.php?t=32410
وللي ماعندهم جهاز بخار للويه انا شريته من صيدلية بوتس بس والله ماذكر جم سعره
وطبعا تنظيف البشره نسويه من فتره ليما فتره يعني كل اسبوع او اسبوعين
خامسا : للي عندها اثار حبوب
مدحوولي منتج اسمه granex من الصيدليه وراح اشتريه واعلمكم بالنتايج لان انا عندي اذار حبوب بظهري
سادسا : الرموش
الشكر للعضوه حيادر واايد واااااايد شوقتني خلطتها وطبعا راح ابدي استخدامها بعد الاسبوع الياي
http://www.q8yat.net/showthread.php?t=32410
وايضا شوقوني بعض العضوات بالاثمد بس متوهقه ماادري من وين اخذه ياليت اللي تعرف مكان ثقه ومو مغشووش تبلغني
سابعا : الشفاه
لازم تسوين تقشير بين فتره وفتره للشفاه وطريقة التقشير تحطين كميه شوي كبيره من الفازلين وتخلينه مو اقل من ساعه وبعده بفرشه تفركينه
العسل .. نحط على الشفاه عسل وطبعا العسل معروف عنه واااايد وااايد مفيد
ثامنا : ضروريات
- لازم لازم لازم لازم لازم لازم الاستمراااااااااااااااااا ااااار
-استخدمي الاسكينول في تنظيف البشره والجسم يوميا ويعطيج احساس بالانتعاش خصوصا لما يكون الجو مغبر او بعد اي طلعه لما تردين تمسحين ويهج وجسمج بالاسكينول
- ضرووووووووووووووري بعد ماتردين من اي مكان تنظفين بشرتج عدل مدل من المكياج ماتخلين ولا قطره من المكياج على بشرتج
- عمل كمادات للعين على الاقل اسبوعيا وذلك بوضع قطن على العين مبلل بماء الورد عشان تريحين عينج وتخففين السواد بنسبه بسيطه
تاسعا : تبييض الاسنان
ضعي قليلاً من العسل الطبيعي على فرشاة الاسنان
ثم ضعي معجون الاسنان عليه وفرشي اسنانك بشكل طبيعي
عاشرا : طريقة لتعطير الشعر
نحتاج مسك ابيض سائل من العطار نحط جم نقطه بايدنا ونحطها على الشعر بعد الاستحمام
وستلاحظين البياض من اول تفريش لك وكرري حسب الحاجه
وهذا اللي قدرت اجمعه اليوم وان شاء الله اي شي يديد راح أبلغكم فيه
واتمنى في تفاعل ويعطيكم الف عافيه
منقول
رد مع اقتباس
